Happy Anniversary to Us

تجدید

وہ منظر سنہرے وہ روشن سویرے وہ خوشیوں سے مخمور ہنستے سے چہرے

وہ مہکی سی خوشبو وہ رنگیں سا جادو گنگناتے سروں کی آہٹ سی ہر سو

وہ دھندلی سی سردی گلابی سا جاڑا لمبا سا رستہ اک نازک سہارا

وہ بہتی سی ندی وہ مدھم سا گانا وہ چاند اور ستارے خواب اور فسانہ

وہ رات کی رانی وہ خوشبو سہا نی وہ شب کے فسوں میں مہکی کہانی

وہ معصوم جذبے باتیں دیوانی وہ آنکھوں سے بہتا کاجل کا پانی

محبت کے موسم جب یاد آئیں یادوں کی بارش میں ہم تم نہائیں خود بھی ہوں بیکل تمہیں بھی ستائیں! چلو پھر پرانی یادیں جگائیں چلو پھر نئے کُچھ سپنے سجائیں۔۔

قرۃ العین صبا